Korrupsiyaga qarshi kurashish boʻyicha tadbirlar boʻlib oʻtdi

Joriy yilning 9-10-oktabr kunlari “Tez tibbiy yordam tizimida korrupsion jarayonlarga oʻrin yoʻq” mavzusida Samarqand, Jizzax va Sirdaryo viloyatlari filiallarida korrupsiyaga qarshi kurashish boʻyicha profilaktik tushuntirish muhokamalari tashkil etildi.
Ushbu tadbrlarda Samarqand, Jizzax va Sirdaryo viloyatlari filiallari rahbariyati, maʼmuriyat xodimlari hamda shahar va tuman tez tibbiy yordam stansiyalarida faoliyat yuritayotgan shifokorlar, feldsherlar hamda transport boʻlimi xodimlari ishtirok etdi.
Profilaktik tadbirlarda Respublika tez tibbiy yordam markazining malakali mutaxassislari ishtirok etib, soha vakillariga korrupsiyaning salbiy oqibatlari, uning oldini olishdagi vazifalar hamda fuqarolik jamiyatining oʻrni haqida atroflicha soʻz yuritdi.
Bu kabi profilaktik tadbirlar, albatta, tez tibbiy yordam tizimida halollik, oshkoralik va javobgarlik tamoyillarini kuchaytirishga qaratilgan navbatdagi amaliy qadam boʻlib xizmat qiladi.